Patricia’s Point of View
“Boss naman eh. Bakit kasi hinahayaan mo lang yang si Agent Patricia na makialam sa trabaho namin, nawawalan na kami ng trabaho dahil sa pakikialam niya,” sabi ng lalaki na nasa harap ngayon ni Manuel.
Okay, absorb sa kanang tenga tapos labas sa kabila. Pang-ilang agent na ba tong nagreklamo kay Manuel? Tss, hindi ko sila pinansin at pinagpatuloy ang pagbabasa ng magazine.
“Eh boss, inaagawan niya kami ng prospects,” reklamo ng isa pang agent na kasamahan ko. Well, totoo naman iyon may misyon siya na i-ambush ang lider ng kilusan na ang modus ay human trafficking. Sila ang mga nangkikidnap ng mga bata at saka ibebenta ang mga organs, stem cell and etc. Mga walang puso.
“Agent Troy, nagpaliwanag na sa akin si Agent Patricia, hindi niya sinasadyang unahan ka, nan
