LAURA MAY CASTILLO
Tumagal ng isang buwan ngunit hindi pa rin nagpaparamdam si Hans. Habang tumatagal ay mas lumilinaw na hindi niya ako kayang pagkatiwalaan at dumudurog iyon ng puso ko.
Hindi ko alam na magiging ganito kami pagkatapos kong ibigay ang sarili sa kanya.
Tuwing gabi ay hindi ko mapigilan na mapatulala sa kisame habang iniisip siya at kapag ganoon ay nakakatulog ako ng umiiyak.
Nilapitan ako ni Mariposa at nakakunot ang noo nito. “Laura, bakit hindi ka pa umuuwi? Kaninang seven pa ang out mo, ah.”
“Straight duty ako.”
“Huh?! Sino?”
“Absent si Juvy.”
Umirap si Mariposa at nilagay ang magkabilang kamay sa bewang. “Kaka-absent lang niya n’ong isang araw, ah. Sick leave rin ang dahilan pero nakita ko ‘yung story niya, kasama niya ang mga friends niya sa inuman.”
Nagkibi
