LAURA MAY CASTILLO
Kinabukasan ay hapon na nagising si Adrian. Sa una ay nabigla ito nang makita ang IV fluid na nakasaksak sa kanyang braso. Hinawakan ko ang kanyang braso at kinalma ito. Pagkatapos ng mahaba-habang pagpapakalma sa kanya ay binigyan ko siya ng tubig.
Pinindot ko ang buzzer upang tumawag ng nurse at habang hinihintay sila na dumating ay umupo ako sa gilid ng kama ni Adrian habang hinahaplos ang pisngi nito.
“Hi.”
Kumurba ang ngiti sa aking labi.
“Hi. Mukha kang tae,” biro ko.
“Gandang bati naman niyan, Laura May.”
Bumukas ang pinto at pumasok ang dalawang nurse. Tumayo ako upang bigyan sila ng sapat na espasyo habang tinitingnan ang vitals ni Adrian. Nang masigurado nila na walang problema ay umalis na sila at iniwan kaming dalawa sa silid.
“Akala ko ay kasama n
