MAINGAT na inihiga ni Renzo si Lily sa sofa na parang hawak niya ang isang bagay na babasagin, isang maling galaw lang at maaaring tuluyang masira. Ilang sandali pa, dumating ang maid dala ang first-aid kit at maingat na inilapag iyon sa mesa. Ngunit imbes na umalis, nanatili ito sa gilid, palihim na sinulyapan si Lily bago ibinaling ang tingin kay Renzo na noon ay nakaluhod na sa harap ng sofa.
Nanlaki ang mata ng maid. Hindi siya sanay na makita ang amo na ganoon.
Hindi ba si Lily ito? Ang asawa ni Enrique na pamangkin ni Renzo? Anong ibig sabihin nito. Na inagaw ni Renzo ang asawa ni Enrique. Bigla siyang naguluhan.
Hindi pa man tapos ang gulo sa isip ng maid ay biglang tumayo si Lily.
Halos mapatalon siya mula sa sofa nang makita niyang mismong si Renzo ang luluhod para gamutin ang
