NAPAKURAP si Lily ng dalawang beses. Hindi niya alam kung saan titingin dahil sa lalim ng tingin ni Renzo sa kanya. Parang may gustong basahin ang lalaki sa loob ng kanyang puso pero ang hindi niya matagalan ay titig nito dahil sa lakas ng t***k ng kanyang puso…
Sa sandaling iyon, nakasandal pa rin siya sa pintuan habang hawak ni Renzo ang kanyang pulso. Sa buong buhay niya kahit sa nakaraan o sa kasalukuyan ay wala pang lalaking naging ganito kalapit sa kanya maliban sa lalaking nakasama niya noong wedding night niya at alam niyang hindi iyon si Enrique..
Kahit si Enrique, ang asawa niya ngayon, hindi kailanman naging ganito kalapit sa kanya. Kailanman ay hindi ganito kalapit si Enrique sa kanya dahil palagi itong mailap sa kanya at alam niyang dahil iyon ay Luna, sa babaeng tunay niton
