BAGAMAN maagang na-discharge si Silas sa ospital ay minabuti pa rin ni Fay na huwag na lang muna pumasok para magkaroon siya ng quality time sa mga anak. Kasalukuyan na silang nasa condo nila at inaasikaso niya ang pagkain ng kambal. Nang dahil sa nalaman niya sa totoo niyang pagkatao ay parang nag-iba na rin ang tingin niya sa sarili niya at pati na rin sa buhay. Pero sa ngayon gusto niyang samantalahin na habang bata pa ang mga ito ay mayroon siyang babalikang memories ng mga bata.
“Candice, nakatawag na ‘ko kay Miss Cecil, pero sabihin mo na lang din sa kaniya baka kasi nakalimutan na naman niya,” napapakamot na bilin niya sa kaibigan dahil nang magpaalam siya rito noon para sa bakuna ng mga anak, kinabukasan ay pinagalitan siya nito dahil hindi raw siya nagpaalam man lang. Naiintindih
