NANG gabing iyon ay nasa kalagitnaan na sila nang pagtitipon. Isa-isa na ring nakita ni Fay ang mga kapatid ni Sandro maging ang mga pinsan ni Storm, hindi niya akalain na ganoon pala talaga ka-prominente ang Chavez Empire, pakiramdam niya ay nasa isang pelikula siya dahil tila iniukit ang mga mukha nito taglay ng mga itong kakisigan.
“Fay, kumain ka na kasi tayo,” undag sa kaniya ni Storm na ni minsan ay hindi umalis sa kaniyang tabi, kaya naging tampulan din sila ng asaran nang magpipinsan.
“Kailan ka pa naging lover boy, Storm?” asar ni Zev dito ngunit tulad nang nakasanayan ay masamang tingin lang ang ipinukol ni Storm sa pinsan.
“Siyempre mana kaya sa ‘kin ‘yang si Storm!” saad naman ni Chase pagtapos ay inabayan pa ang binata kaya naman nagkatawanan ang lahat, malaki ang party ven
