NAGSISIMULA maggayak si Fay ng kaniyang mga gamit, nang gabi matapos ang assembly party ay mas lalong hindi na siya kinausap ng kaniyang ina ngunit ang isang bagay na napansin niya ay hindi nagbago ang pakikitungo sa kanila ni Mr. Sandro, kaya naman pakiwari’y niya ay wala pa itong nalalaman sa mga nakita ng kaniyang ina. Pabalik na rin sila ng Davao ng araw na iyon.
Isang mahinang katok ang umantala sa kaniyang ginagawa. “Sige, pasok,” aniya kaya bumukas naman iyon.
“Ma’am, aalis na raw po kayo, pabilisan niyo na lang daw po,” wika naman ng katulong na pumasok sa kaniyang silid.
“Sige, pakiuna nang ibaba ang mga ‘yan,” utos niya sabay turo sa mga maletang nasa gilid ng pintuan.
“Sige po,” muling magalang na tugon nito saka lumabas ng kaniyang silid dala ang kaniyang mga gamit.
Pagbab
