TIRIK NA TIRIK na ang araw nang dumating si Fay at Storm sa pantalan ng Sta. Ana. Magkahawak kamay silang bumaba ng bangka at naglakad patungo sa isa sa mga yate na nakadaong doon. Nilapitan nila ang hindi masyadong malaki pero look so luxurious na yate.
“Ito na ‘yon,” ani Storm habang palipat-lipat ang tingin sa papel na hawak at sa yate na nasa harapan nila. Magkahawak kamay pa rin silang sumakay sa yate.
“Storm, wala bang mag-a-assist sa atin dito?” tanong niya sa binata habang inaalalayan siya nitong makasakay ng yate.
“Wala na, at kung hahanap pa tayo ng mag-a-assist sa atin baka magkaproblema lang tayo.”
“Storm!” biglang tawag niya sa binata pagtapos ay napayuko siya, nagtataka naman itong tumingin sa kaniya. “Si Genevieve!” kinakabahang turo niya rito sa dalagang naglalakad papa
