HINDI KO NA ALAM KUNG ilang santo na ba ang natawag ko para lamang masigurong maililigtas Nila ang mag-ina ko.
Na wala sanang masamang mangyari, isa man sa mga ito.
Lahat na yata ng klase ng dasal, na hindi ko pa nasasambit sa buong buhay ko ay nabigkas ko na.
Lahat na ng klase ng pakiusap sa Poong Maykapal, na huwag Niya naman sanang pababayaan ang mag-ina ko, ay ginawa ko na.
Kung dati, ay aminado ako na madalang na madalang akong magdasal, ngayon ay minu-minuto yata akong sumasambit ng panalangin.
Naka-ilang tayo at upo na rin ako. Kulang na lang ay lumuhod ako.
Lakad dito, at lakad doon. Baka nga kung naglakad-lakad ako sa paligid ay naikot ko na ang buong ospital sa kakapabalik-balik ko.
Hindi ako mapakali. Panay ang lapit ko sa tapat ng pintuan kung saan, naroon sa loob si Isl
