HINDI KO ALAM KUNG ANONG ORAS NA, pero pakiramdam ko ay antok na antok pa rin ako. Ang bigat-bigat ng talukap ng mga mata ko, na kahit na anong pilit kong idilat, ay parang nananatili ang mga itong nakapikit.
Parang mayroong humihila sa akin upang matulog pang muli.
May mga naririnig akong nag-uusap sa paligid ngunit hindi ko mawawaan ang pinag-uusapan ng mga ito. Hindi ko alam kung nagbubulungan ba ang mga ito, o sadyang may kalayuan lang ang distansya sa akin ng mga nag-uusap.
Pamilyar sa akin ang mga tinig ngunit hindi ko maalala kung saan ko ang mga iyon narinig.
Napakunot ang noo ko.
Nasaan ba ako?
Sa apartment namin ni Arsi? O, sa condo ni Dos?
Kung gayon nga ay nasaan ang mga ito?
Si Thirdy? Nasaan ang anak ko?
At sino ang mga taong parang mga bubuyog na nag-uusap sa paligi
