HALOS MAPUNO ANG lamesa nang maipasok nang lahat ang mga pagkain na in-order namin. Bukod kasi sa mga order ko, ay mayroon ding sariling order si Dos.
Ilan lang naman. Mas marami pa rin ang in-order ko. Parang idinagdag lang talaga.
Sa dami, ay hindi ko tuloy alam kung ano ang uunahin kong kainin.
Sa totoo lang, ay hindi naman talaga marami ang mga pagkain. Marami lang plato. Maraming bandehado. Pagkatapos ay tigka-katiting na serving. Sa tingin ko nga ay hindi ako mabubusog kung ang order namin ni Dos ay tig-isang klase lang.
Binawi na lang talaga sa presentation. Iyon bang parang nakakahinayang na kainin. Parang ang sarap na lamang titigan. Parang gusto ko na i-display na lang.
Though, mukha namang masasarap lahat--no, talaga namang masasarap lahat, hindi ba naman sasarap ang mga it
