"LOVE, GISING KA NA. Ten o'clock na."
"Hmmm. . . ". Ungol ko. At saka, sa halip na bumangon ay mas inilubog pa ang mukha ko sa malambot na unan.
Hinawi kasi ni Isla ang kurtina, kaya naman pumasok ang liwanag sa buong silid. Kahit nakapikit pa ay nasilaw pa rin ako.
Inaantok pa ako. Feeling ko ay hindi pa rin kumpleto ang tulog ko, kahit pa nga ba maaga naman kaming nakatulog kagabi.
Hindi ko alam kung anong oras iyon, pero alam ko na maaga ring gumising si Isla kanina. Naramdaman ko nang bumangon ito. Hindi ko naman kasi ito binibitiwan ng yakap sa buong magdamag. Pinipigilan ko pa nga sana ngunit nagpilit pa rin ito. Panigurado raw kasi na gising na si Thirdy, dahil papasok ito sa eskwela. Gusto raw nito na personal na asikasuhin ang aming anak sa paghahanda sa pagpasok.
Ayaw daw n
