SA UNANG GABI NAMIN SA MANSYON na kami na lamang dalawa ni Dos ang nag-aalaga kay Baby Andra ay medyo nahirapan talaga kami.
Pareho kaming hindi sanay mag-alaga ng bata.
Mabuti nga, kahit na papaano ay nakapagpaturo na ako kung papaanong magpalit ng diaper. Pati ang tamang pagbubuhat ay unti-unti na ring naituro ni Nanay sa akin noong naroon pa kami sa ospital. May mga pagkakataon na hinahayaan ako nito na mag-isang mag-asikaso sa anak ko para daw kapag bumalik na siya sa Sta. Barbara ay marunong na ako.
Iyon nga lang, ay palagi pa rin itong nasa tabi ko para maalalayan ako at gabayan kung tama ba ang ginagawa ko.
Noon naman kasing ipanganak ko si Thirdy ay hindi man lang ako nagkaroon ng pagkakataon na maalagaan ito. Ni hindi ko nga nabuhat kahit na isang beses.
Gayon din naman si Do
