"LOVE. . . "
"Hmm. . . ?"
"Alam mo ba iyong tungkol sa pamilya ni Snow?"
Naisipan kong itanong kay Dos bago kami matulog.
Isang linggo na mula noong manggaling dito ang dalaga at i-check ang akala ko ay bumuka kong tahi.
Kanina, nanggaling kami sa clinic nito upang ipalinis muli rito ang sugat ko at papalitan ng bandage, katulad ng bilin nito na gawin ko, linggo-linggo.
Naroon na naman si Dash. Nakasabay namin ito sa parking lot. May dala ang lalaki na malaking paper bag na may logo ng isang kilalang restaurant. Lunch daw nila iyon ni Snow. May usapan daw sila na sabay kakain ng lunch. At since, hindi raw maaaring lumabas ng matagal ang babae dahil sa marami itong pasyente ay naisipan na lang nito na magdala na lang ng pagkain at sa pantry ng clinic na lang kumain.
Biniro pa nga ito
