HUMUGOT AKO NG MALALIM NA HININGA. Para lamang napapangiwing marahas din iyong pinakawalan nang magtama ang mga mata namin ni Misha.
"Hindi ko talaga kaya." Wika ko pa sa tinig na may kasamang frustration.
Naupo ako sa kama at sumandal sa headboard niyon. Inabot ko pa ang isang unan at ipinatong sa kandungan ko.
Bumagsak tuloy ang kanina ay malapad na ngiti ng dalaga, saka pabagsak din na naupo sa paanan ng kama kung saan din ako nakaupo. Humarap sa akin.
"My gosh, Isla, what's wrong with that? You two were married a long time ago, already. Nahihiya ka pa rin sa asawa mo hanggang ngayon?" Nag-aangatan ang mga kilay na sabi pa nito.
"Kasi nga nagmana sa akin iyang bestfriend ko sa pagiging dalagang Pilipina, no!" Pairap na sabad naman ni Arsi na nakaupo sa couch hindi kalayuan sa amin.
