"BAAAKS!" Impit na impit na tili ni Arsi nang makita akong bumungad sa pintuan ng classroom niya.
Hindi ko alam kung anong oras ang klase nito sapagkat walang mga estudiyante sa roon niya. Dinatnan ko lang ito na nag-che-check ng mga test papers
Tumayo ang kaibigan ko at sinalubong ako sa may pintuan. Hinaltak muna ako nito na papasok, bago dumungaw sa labas ng pintuan.
Nagtaka pa ako kung ano ang ginagawa nito.
"Huy! Sino ang sinisilip mo riyan?" Untag ko, sabay dungaw din ng ulo ko sa sinisilip nito.
Wala naman akong nakitang tao sa labas. Malinis na malinis ang buong hallway. Palibhasa ay hindi naman oras ng recess, o uwian.
Kapag kasi ganoong oras ay nagsilisawan ang mga estudiyante roon. Idagdag pa ang mga sundo na paroon at parito rin sa hallway.
"Sino ba ang tinitingnan mo r
