KUNOT NA KUNOT ang noo ni Senyora Matilda habang sinusundan ng tingin ang mag-amang Leandro at Dos na pumapasok sa gate ng isang payak na apartment.
Dito siya dinala ng pagsunod niya sa dating asawa.
Luminga-linga siya. Inikot ang tingin sa paligid.
Hindi niya mapigilan ang mapangiwi.
Ano naman kaya ang ginagawa ng mag-amang iyon sa ganitong klase ng lugar?
Mabaho.
Mainit.
Masikip.
Halatang puro hampas lupa ang naninirahan.
Maaga pa pero may mga makikita ka nang mga lasing na pasuray-suray na naglalakad sa gitna pa mismo ng kalsada.
Katunayan ay ilang umpukan na rin ng mga nag-iinuman sa gilid ng kalsada ang nadaanan nila bago pa sila makarating sa pakay na lugar ng mag-ama.
Hindi ba natatakot ang mga ito na iwan ang kanilang mga sasakyan sa ganitong klase ng lugar?
Papaano kun
