TAPOS NA ANG UNANG KLASE KO. Kasalukuyan nang nagtuturo si Ms. Cruz. Ang bagong adviser ng klase na pareho naming hinahawakan. Dalawang subject pa ang hawak niya bago ang susunod ko ulit na klase kaya mahaba-haba pa ang vacant period ko.
May bahagyang gutom akong nararamdaman, ngunit sa halip na pumunta sa canteen para mag-snack ay mas pinili ko na lang na maupo sa desk ko, sa pinakalikuran ng classroom upang mag-record ng kaka-check ko pa lang na mga activity ng mga bata.
Mabuti na lang at palagi akong may baon na Skyflakes sa bag. Iyon na lang muna ang kakainin ko.
Wala ako sa mood na lumabas ng classroom, at pumunta sa canteen na mag-isa. Makikita ko na naman ang mga 'Maritess' doon, na alam na alam ko naman na palihim na nagbubulungan kapag hindi na ako nakaharap.
Yes. Palihim na s
