"ANO BA TALAGA ANG PROBLEMA MO?! Nasisiraan ka na ba ng ulo?!"
Singhal ni Andra eksaktong makapasok si Malik at makaupo sa driver's seat, habang hinahagod-hagod ang pulsuhan na mahigpit na hawak ng lalaki kanina.
Kaagad namang dumako roon ang tingin ng lalaki. At nang sa wari ay mapansin ang pamumula niyon ay mahinang napamura.
Lihim na napangiwi si Andra.
Si Malik ay humugot ng pagkalalim-lalim na paghinga, bago kapagkuwan ay marahas na pinakawalan. Kulang na lang ay magputukan ang mga ugat nito sa higpit ng kapit sa manibela. Tila may kung anong matinding emosyon na pinipigilan.
Nakatingin lang ang dalaga rito. Labis na nagtataka sa ikinikilos ng matalik na kaibigan ng kapatid.
At nang sa wakas ay magsalita na ito, napatnga naman siya sa sinabi nito.
"Do you really have to go to t
