"I LIKE YOU, TOO."
Pagkasabi niyon ay ipinikit ni Andra ang kanyang mga mata.
Gusto niya sanang sabihin kay Malik na mahal niya ito, katulad ng totoong nararamdaman niya, ngunit hindi niya alam kung bakit ang mga katagang iyon ang nanulas sa mga labi niya.
Siguro, subconsciously, ay nais niya pa ring protektahan ang kanyang sarili.
Ang unfair naman kasi. Siya mahal niya na ito, samantalang ito ay gusto lamang siya?
Papaano kung makakita ito ng iba na mas magustuhan nito?
Iyong someone na mas higit kaysa sa kanya?
Malilipat na ba roon ang atensyon nito, at iiwanan siya?
Wala man lamang ba siyang maisasalba para sa sarili?
Pero sabagay, sinabi lang naman nito na gusto siya nito kaya ginagawa nito ang mga bagay na ginagawa nito ngayon. Wala pa naman itong sinasabi na gusto siya niton
