HATING-GABI NA AY HINDI PA rin dalawin ng antok si Andra. Hanggang sa mga oras na iyon ay hindi pa rin mawala sa isip niya ang ipinagtapat sa kanya ng kasintahan tungkol sa ina nito.
Katulad niya ay napaka-bata pa rin nito nang makipag-relasyon. At sa murang edad na iyon ay napaka-bigat na ng naranasan nito.
Kung siya siguro ang makaranas na mawalan ng anak, baka ikabaliw niya.
Naalala niya tuloy ang kwento ng buhay pag-ibig ng mga magulang niya.
Kung ang mama niya nga na mapahiwalay lang sa Kuya Thirdy niya, sobrang sakit na ng naramdaman, what more, ang mama ni Malik na namatayan ng anak?
Doble siguro ang sakit n'on. O, baka nga triple pa.
Ipinagdarasal niya na huwag niya sanang maranasan ang bagay na iyon.
Pati na rin ang pagbubuntis sa murang edad?
Ayaw niya rin iyon.
Isa iyon
