"KUYA, A-ANO'NG GINAGAWA MO?"
"Hindi ko alam kung ano ang pumasok sa isip ko nang mga oras na iyon..." bakas ko sa tinig at anyo ni Dad ang labis na pagsisisi nang sambitin iyon.
Namumula na ang mga mata nito, at pinangingiliran na ng mga luha. Deretso pa rin itong nakatingin sa puting pintuan na tila ba tumatagos mula roon ang tingin nito at nakikita ang dating asawa na nasa loob ng silid.
Parang alam ko na kung saan papunta ang kwento nito.
Pakiramdam ko nga ay nananakit na ang dibdib ko sa sobrang lakas ng tìbòk ng puso ko. Hindi ako makahinga sa labis na kaba.
Alam ko naman na napilitan lang talaga si Mom na pakasalan ang Daddy ko noon dahil nga buntis na ito sa akin. Buong buhay ko ay hindi ko iyon miminsang narinig na isinumbat dito ng aking ina. Pero hindi ko alam ang buong pan
