LUMINGA-LINGA AKO. Hinanap ng mga mata ko kung saan nanggaling ang tinig na iyon ng asawa ko.
Sigurado ako. Boses ni Dos ang narinig ko. Hindi ko kailanman maipagkakamali ang tinig nito, ihalo man sa iba.
Maaaring mukhang malayo ang pinanggalingan ng tinig, pero malakas at malinaw iyon sa pandinig ko.
Ngunit kahit saan ako tumingin ay hindi ko nakita kahit man lang anino nito.
Napakunot tuloy ang noo ko.
Nasaan na nga ba ang lalaking 'yon? Dinadaya lang ba ako ng aking pandinig?
Ganito na ba ako kagutom at nagha-hallucinate na ako? Naririnig ko na ang tinig ng asawa ko kahit wala naman talaga ito sa paligid?
Isa pa muling pagsuyod ng tingin sa paligid ang ginawa ko, at nang hindi ko talaga matanawan si Dos, ay napapailing na muli na lamang akong bumaling sa direksyon ng canteen upan
