"MAGPALIWANAG KA!" Nandidilat pa ang mga mata, na pabulong na sita sa akin ni Arsi nang maiwan kaming dalawa sa mesa.
Lumingon pa ito sandali sa nilabasan ng tatlo, kaya naman napahayon din ako roon ng tingin, para lamang nakangiwing bigla ring mapabaling ang tingin dito nang umakma itong kukurutin ako sa singit. Awtomatiko ang pag-uklo ko, bilang reflex sa ginawa nito. Pinanlakihan ko pa ito ng mga mata upang ipaalala rito kung nasaan kaming dalawa.
Nagpalinga-linga ang bakla nang maalala, ngunit kaagad din naman na ibinalik sa akin ang nandidilat na mga mata nang kapwa makaupo na kaming muli na dalawa.
"Hindi kita kinakayang bakla ka, ha!" Muling pasinghal na sita nito, sa mahinang tinig. "Ano, at may pa-Papa, at pa-Daddy kang nalalaman sa tatay ng bagets na 'yon? Ano? Wala pa tayong
