Tinitigan lamang iyon ni Mico hanggang sa tuluyan na itong mamatay habang pasakay siya ng lift. Gustuhin man niyang sagutin ang tawag ay hindi niya iyon magawa, may alinlangan sa kanyang mga mata. Malalaki na ang kanyang naging mga hakbang palabas ng elevator, habang kumakalabog ang kanyang dibdib. Pakiramdam niya ay may mabigat siyang kasalanang nagawa sa kanyang asawa na kahit pilit niya pa iyong iwaglit ay patuloy na bumabalik sa kanyang isipan. Malalim na siya doong napabuga ng hangin. Hinawi ng palad ang ilang hibla ng kanyang buhok na nagulo ng malakas na ihip ng hangin ng mga oras na iyon. At pilit na kinakalamay ang sarili.
Walang mali sa ginawa ko, tumulong lang ako sa nangangailangan at lalong hindi ko siya niloloko. Walang masamang tumulong sa kapwa, at maiintindihan din na
