Mabilis na naging malikot ang mga mata ni Mico na kulang na lang din ay mabitawan niya ang hawak na cellphone at manibela nang dahil sa pagkagulat niya sa biglaang katanungan ni Avril. Titig na titig ang dilat nitong mga matang matamang nakatunghay sa kanya. Sa pagtitig niya dito ay hindi niya maiwasang lamunin ng kanyang konsensiya. Pakiramdam niya ay pinagtataksilan ang asawa nang dahil sa kanyang mga ginagawa ngayon. Ganunpaman ay wala siyang planong sabihin dito ang totoo lalo na at alam niyang mas masasaktan ito kapag ginaya niya ang mga ito.
“W-Wala, si Julian lang nagtatanong kung anong oras ako babalik ng office.” pagkakaila niya na mabilis nang binura ang mensahe ni Madox upang kung sakali ay hindi na ito mabasa ni Avril.
“Aaah...” tango-tango ni Avril na bagama’t may buma
