“Mico, sa tingin mo ano ang pwedeng bilhin ko para sa kanila?” nakakailang ulit ng tanong ni Avril sa kanyang asawa, lulan sila ng sasakyan na marahan at maingat na minamaneho ni Mico. Mababakas ang labis na excitement sa kanilang mga mata na panaka-naka lang na nagmamasid sa kanilang dinadaanang paligid. Ilang beses na silang naabutan ng stop light. “Mayroon ka bang naiisip diyan? Care to share your thoughts to me now, Baby Mico?” may lambing pa ang tono ng kanyang pagkakasabi doon, “Ano ba ang mga hilig nilang dalawa?”
Pumapailanlang ang isang awitin sa stereo ng kanilang sinasakyan. Mahinang sinasabayan iyon ni Avril habang gumagalaw-galaw ang kanyang ulo sa ritmo nito. Ang tanawing iyon ay maliit na ikinangiti ni Mico na panaka-naka ang sulyap sa may banda ng kanyang asawa. Magaan
