Dagnas pawis si Mico pagkasakay niya pa lang ng sasakyan. Labis na nanlilimahid ang kanyang buong katawan. Nagmamadaling binuhay niya na ang makina noon kasabay ng pagpihit niya nang malakas sa aircon at tapat niya ng mukha niya dito. Ngunit kahit na anong lakas noon ay hindi pa rin nito magawang mapawi ang init at ang tumatagaktak niyang pawis sa buong katawan. Idagdag pa doon na tila mga butil ng bigas ang pawis na pumapatak mula sa patuloy na kumukunot na noo. Kabadong-kabado ang kanyang hitsura at hindi iyon maitago ng mga mata niyang malikot na tila ba binabagabag siya ngayon ng kanyang kalooban at konsensiya.
“What’s wrong with me? Wala naman akong masamang ginagawa ngunit bakit nilalamon ako ng labis na guilt ngayon?” tanong niya sa kanyang sarili na tinanggal pa ang ilang buton
