Agad niyang kinuha ang phone sa kaniyang bulsa at tiningnan kung sino ang tumatawag. Nakita ko ang bahagyang paglaki ng kaniyang mga mata nang makita ang caller ID nito. Tumalikod siya sa akin at bahagyang lumayo bago sinagot ang tawag.
Inis na napairap ako nalang ako at nauna nang naglakad patungo sa elevator. Wala na ring gaanong tao sa floor na iyon kaya sigurado akong hindi na puno ang elevator. Bago ko pa man pindutin ang elevator button ay may humawak na sa braso ko at humila sa akin palayo roon.
Kunot-noo kong binalingan si Luke dahil sa ginawa niya. Ano bang problema niya at ganoon nalang siya kung makahatak sa akin?
Hinila niya naman ako pababa ng hagdan at sinenyasan na huwag akong maingay. Pumuwesto siya sa tagong parte pero kita pa rin ang hallway na dinadaan patungo sa el
