MALAPIT na ako sa school namin, sa may iskenita, sa kaliwang banda ay nakita ko si Knight na may kausap na babae. Nakaharap sa gawi namin si Knight kaya naman ang babae ay nakatalikod sa amin pero sure akong babae ang kausap niya kasi nakasuot iyon ng pambabae.
Gusto ko sana siyang tawagin pero parang ang bastos ko naman kapag ginawa ko iyon lalo pa at seryoso tila ang pinag-uusapan nila base na rin sa hilatsa ng hitsura ni Knight. Isa pa ay nakasakay ako sa kotse kaya hinayaan ko na lang.
Sa mismong tapat ng gate ako ibinaba ni Kuya Reymond.
"Salamat, kuya kong gwapo." Humalik ako sa pisngi niya.
"Mamaya, bunso, ay susunduin ka namin, ha? Mag-text ka kapag patapos na ang last subject mo."
"Opo. Sige po. Ingat ka po, Kuya, sa pagmamaneho."
Bumaba na ako nang tuluyan at nang maka
