"Lady Pega, si Aella po ay nasa kaniyang silid na!" Sigaw ni Denier habang pilit na isinasangga ang kaniyang sandata sa kalabang pilit silang inaatake.
Magulo ang lahat. Nagkalat ang mga bangkay at karamihan doon ay mula sa kampon ng mga pegasus.
Ang makukulay na bulaklak na ginamit bilang dekorasyon para sa kaarawan ng diwata ay nagkalat na sa paligid at pawang mga nababalot na ng dugo.
Lahat ay pilit na pinoprotektahan ang kanilang sarili laban sa mga nilalang na siyang sumira sa masayang selebrasyon sana.
"Diwata! Sumama ka kay Denier paalis sa mundong ito. Magtungo ka sa mundo ng mga tao at alalahanin mo ang lahat ng mga ibinilin ko sa iyo noon. Kailangan mong panatilihin ang iyong kaligtasan," natatarantang usal ni Lady Pega nang sa wakas ay mapuntahan na niya ang isang sikretong
