Chapter 12
Matapos kong gumawa ng resignation letter ay pumunta na ako sa aking pinapasukang trabaho para ipasa ang aking resignation letter. Simpleng bulaklaking maternity dress at flat sandals lang ang suot ko. Mabuti na lang din at nakapag-file na ako ng maternity benefits bago ako dinugo.
Halos sa bahay lang ako parati mula nang makalabas ako sa ospital. Mga magulang din muna ni Cris ang naghahatid-sundo kay King sa paaralan.
Sa ilang araw na wala si Cris sa bahay ay lagi akong umiiyak. Hindi ko pa din kasi matanggap na ganito ang mangyayari sa pamilya namin.
Tapos parang ang dali lang sa kanya na pumayag na makipag-hiwalay sa akin. Hindi man lang ata niya naisip ang epekto nito sa mga anak namin.
Marami din naman siyang pagkukulang sa akin pero hindi ko naman naisipang hanap
