رواية اغتصبوا حياتي

اغتصبوا حياتي 14

#ا****ب_ ارواح

PART9

بقلم : #منى_المجبري

_______________

خشت رنيم وامها وأختها للمستشفي وقا**ها مهند خذاهم لِ مكان مها

انشراح بِ دموع : نبي نخشلها

مهند : ممنوع ياخالتى

انشراح : قلبي نار

رنيم : قعمزي يا ماما لين يجي الدكتور يطمنا

على طلعت الدكتور ، ناض مهند من مكانه والخوف واضح على ملامح وجهه

الدكتور: السلام عليكم

مهند : شن صار دكتور

انشراح: نبي بنتي يا دكتور

الدكتور: باذن الله مفيهش شئ مزال بكرا صبح نزيد نمر عليها والحمدالله الى جت على هكي عندها شويه **ور وبكرا نتاكد اكثر خلوها تخش في مرحله استقرار الحاله

انشراح : ربي يستر

مهند : بارك الله فيك

مشى الدكتور ورد كل واحد قعمز على كرسيه و الخوف واضح عليهم

مهند : عمتى خوذي البنات وروحي

انشراح بِ خوف: كيف نسيب بنتي

مهند : انا معاها لازم تروحي انتِ والبنات خير من البهدله

رنيم : صاح ماما هيا توا مش فاطنه لِ حد قعدتنا على الفاضي راه

انشراح بِ اقتناع: بس بكرا من صبح بدري نجي باه

مهند: إن شاءالله

انشراح : ورن طمني عليها باهي مهند

مهند : حاضر

روعه : ماما نعسانه

رنيم : هيا توا نروحو

طلع مهند معاهن وخذالهن ت**ي ركبهن ورد للمستشفي?

__________________________

رمزي : تعالى قعمزي جنبي

رواسي بِ خوف: شن تبي

رمزي : هههههه متخفيش نبيك في موضوع بس

قعمزت رواسي وقلبها بِ يطلع من خوف

رواسي: شن الموضوع؟

رمزي : معاك بنات طبعا في المدرسه

رواسي بِ استغراب: وبه

رمزي : من نهايه نبيك تبيعي حشيش في المدرسه ?

رواسي بِ صدمه : ش شن تقول انت مش من جدك

رمزي: كلمه وحده ه نعطيك حشيش تبيعيه للبنات الى معاك ومتقوليش مايخذنش فيه متاكد في وحدات .... وتحطي في فمك نقتلك

رواسي بِ دموع : بس رمزي انا خايفه

رمزي بِ ضحكه : متخفيش انا معاك هههههه

طلع اشكاره فيها السم (حشيش ) وعطاه لِ رواسي خذاته ويديها يرعشن?

رواسي: بس عندي شرط

رمزي : وشن هوا

رواسي بِ تهديد: تغيرو معاملتكم معايا وديرلى الى نبيه او مش ه نبيعه

رمزي : تهددي فيا انا يا .. اديري الى قتلك عليه بِ الغصب والا نوريك العذاب على اصله

شافتله رواسي بِ خوف ودموعها نزلن وخافت ان يض*بها، شافلها رمزي بِ تهديد وناض وسيبها ، قعدت تبحت في الشكاره بِ حيره

رواسي: افف كيف نبيعه هضا مفش إلا لمياء تساعدني

_________________________

فتحت انشراح باب الشقه وخشت هيا والبنات ،خشت روعه تجري رقدت في سريرها(محلاها برائة الاطفال?)

رنيم : خشي ماما تريحي ارقدي شوى رعشتي اليوم

انشراح : كيف انتريح وبنتي قاعده تألم

رنيم : معلش نصيبها خشي ارقدي بيش بكرا نوضو بدري

انشراح : إن شاءالله

خشت انشراح لِ دارها، وخشت رنيم للدار فتحت فونها ولقت كم مكالمه من ربيع رنت عليه ووصلها صوته

ربيع بِ عصبيه : توا حلالك ادوريني وين كنتي

رنيم بِ حب : كنت عند اختى في المستشفي دارت حادث

ربيع : آسف والله مانحساب الموضوع هكي كيف حالها توا

رنيم : مزال بكرا الدكتور يطمنا

ربيع : إن شاءالله تطلع بخير

رنيم : يارب ،تعشيت

ربيع : لا لا معندش نيه وانتِ

رنيم : من الفجعه مش قادره حتى نشرب اميه

ربيع : لا امشي ديري نص وكوليه عشان خاطري

رنيم بِ ابتسامه : حاضر بس حتى انت كول

ربيع : الى تبيها تصير

رنيم : حبيبي بِ نخش نغير توا كيف خشيت

ربيع :تمام بعدها تعالى نبي نرقد ونا نسمع في صوتك

رنيم بِ حب: حاضر دقائق ونجي

سكرت رنيم الخط وغيرت دبشها على السريع ودارت سندوتش جبنه ورنه على ربيع وكملو كلام لين رقدو

____________________

رد مهند للمستشفي وقعمز على الكرسي وهوا تفكيره كله في مها غمض اعيونه بِ تعب ويدعي أن مها تطلع وتقعد.كويسه قطع عليه صوت الفون فتح الخط

سدينه بِ عصبيه : وينك يا هم وينك مسيبنا وهاج وين ادوح ها رد

مهند بِ تعب : لا حول ولا قوه الا بالله يا امي قاعد في المستشفي لا ندوح لا شئ

سدينه بِ خوف: حي عليا فيش دير في مستشفى شن فيك

مهند : وسعي بالك مفيش شئ انا بس مها بنت عمي خبطتها سياره ونا قاعد معاها

سدينه بِ قهر: شن دخلك بيها انت روحلى توا

مهند : امى بالله عليك بطلى انانيه البنت بروحه مش ه نخليها راه نرن على باتي ونقوله مهما كان هما معندهمش راجل منقدرش نسيبها

سدينه بِ قهر : معرفتش نربيك هنا مستغلاتك عارفتك هبل وطيب تبي تجلطني دير الى تبيه لكن متجيش تشكي منهم

وسكرت سدينه الخط ، حط مهند الفون في جيبه وحط يده على وجهه بِ قهر ?

ثاني يوم

فتح مهند اعيونه على صوت الدكتور

مهند : آسف خذاني النوم

الدكتور: هيا توا كويسه تقدر تشوفها لكن مزال راقده

مهند بِ فرحه : بارك الله فيك

ناض مهند بِ لهفه وخش بِ خطوات متردده قدم منها وشاف وجها شاحب والتغديه معلوقه ويدها مجبسه وجروح في وجها ويديها نزلن دموعه بِ قهر ،خذاه كرسي وقعمز جنبها ومسك يدها بِ حب

مهند بِ صوت باكي: مها قبل متت لِ لحظه تخيلت اني فقدتك ومشيتي وسيبتيني حسيت بِ قلبي وقف منقدرش نقعد بلاك خليك قويه ورد بالك على روحك عشاني انا انا نحبك والله نحبك م.

فجأه حس بِ يد مها ضغطت على يده فتح اعيونه على الآخر من الصدمه ?

_____________________

انشراح بِ عصبيه: توا وقت جامعه اختك معزوقه في المستشفي بين الحياه والموت

رنيم بِ كذب: ماما عندي امتحان رجاء منقدرش نغيب وشويا وتجيني الحافله خلاص

انشراح : انتِ حره انا واخذه روعه وماشيه

رنيم : تمام توا نرن نطمن على مها

شافتلها انشراح بِ غصه وخذت روعه وفتحت باب الشقه ونزلت اول 3 درجاات وفجأه يطلع عليها

عبد السلام (سلفها): لاباس على مها

انشراح بِ غصه: ماتشوف باس

عبد السلام : ماشيه مستشفي توا

انشراح : ان شاءالله

عبد السلام : به خلى مهند يروح نرن مايردش قوليله باتك يبك

انشراح : به توا نقوله

وجلاباته انشراح وونزلت هيا وروعه ،وخذت ت**ي

انشراح في سرها : بدال مايقول نشيلكم بِ سيارتي ولا ينشغل على بنت خوه اليتيمه معندش ضمير

وطلعت رنيم للجامعه وهيا تفكيرها عند حبيب القلب

____________________________

ناضت رواسي وهيا تسمع في صوت هرجهه طلعت وشوف بِ خوف

يتبع. ..

ب قلم : #منى_المجبري ، منبش تفاعل بس نبي كل شخص يقرا يكذكرني في دعائه بِ دعوه حلوه من قلبه مش لازم تكتبوها ليا بعد تصلو ادعولى?

ومسموح ب نقل الروايه ب وجود اسمي❤

متابعه للايميل منى المجبري او روايات منى المجبري او واتباد munaalmajbry ، .،❤بقق لووف ليكم