اغتصبوا حياتي 15

763 Words

#ا****ب_ارواح Part10 بقلم :#منى_المجبري _____________________ ناضت رواسي وهيا تسمع في صوت هرجهه طلعت وشافت بِ خوف ، شافت بأتها مطوح في الارض ومنظره يخوف و فاطمه : شيله برا اعزقه في اي مستشفي رمزي بِ عصبيه: تي شن نعزقه تبيهم يضحكو عليا فاطمه بِ تفكير: به شيله توا للمستشفي بعدين انتفاهمو رمزي: تمام وبدا رمزي يرفع فيه فاطمه : تعالى شيلي مع خوك يا مريوحه رواسي : حاضر ساعدت رواسي رمزي وشالو باتهم وحطوه في السياره رمزي: خشي توا البسي وطيري على مدرستك ومتنسيش الى قتلك عليه رواسي بِ خوف: به ، بس باتي امتى طلع من حبس. رمزي: منعرفش لقيناه مطوح قدام باب بِ نشيله للمستشفي توا رواسي: به ركب رمزي لِ سيارته ومشى وخشت رواسي وهيا تفكر كيف تصرف في الحشيش رواسي: نديرلك فطور فاطمه : لالا أمشئ من قدام وجي رواسي: به خشت رواسي للدار لبست دبش المدرسه ومسكت الحشيش بِ خوف وحطاته في الشنطه وطلعت ?.. ________________________ مهند بِ صوت باكي: مها قبل متت لِ لحظه تخيلت اني فقدتك ومشيتي وسيبتيني حسيت بِ قلبي وقف منقدرش نقعد بلاك خليك قويه ورد بالك على روحك عشاني انا انا نحبك والله نحبك م. فجأه حس بِ يد مها ضغطت على يده فتح اعيونه على الآخر من الصدمه ?وحول يده بسرعه البرق وانفتح الباب في الحظه هذ ? انشراح بِ دموع : مهند الدكتور قال كويسه بنيتي تبي تردلى مهند بِ هدوء: الحمدالله ياعمتى تفضلى قعمزي جنبها ناض مهند وعطى الكرسي لِ انشراح ، قعمزت وحضنت وجهه مها بِ يديها ودموعها ينزلو، فتحت مها عيونها بِ تعب انشراح بِ دموع وفرحه: الحمد الله على سلامتك يامهاوي مها بصوت هادي: الله يسلمك شن صار بِ ضبط نذكر أن انخبطت وخلاص انشراح : خبطاتك سياره وقبل رحتى فيها لكن ربي ستر مها بِ تعب: اها انشراح : تعال مهند كنك مصبي عند الباب ومتحشم قرب مهند ودموعه بِ ينزلو مهند : حمدالله على سلامتك مها بِ نظره غريبه: الله يسلمك انشراح: والله مهند تعب معانا بكل ان شاءالله نردلك هل تعب في فرحك بارك الله فيك مهند : عمتى هضا واجبي وانا تاخرت عليها ومجبتهش من مدرسه حسيت بالذنب الحق ومهاوي اختي شافتله مها بِ حب كان في خطرها تحضنهه? انشراح : الحمدالله الى جت على هكي وراه باتك يبيك روحله مهند : صاح شكلى مفطنتش للتلفون ومش مروح لين نطلع مها من مستشفي انشراح : بارك الله فيك مهند : بعد اذنكم نشوف باتي ونجي انشراح: خوذ راحتك طلع مهند وطلع فونه ولقاء24 مكالمه من باته مهند: اوب الحويج شكله ناوي على نيه مش تمام حط على رقمه ورن عليه ? مهند : السلام عليكم عبد السلام : وينك يا غضيب كنك ماترد مهند : قاعد في المستشفي ومفطنتش للتلفون عبد السلام: روح للحوش امك تبي حجات جيبهن لها مهند بِ صبر: حاضر تبي حاجه عبد السلام: لا مطولش امك سكنتلى راه مهند: به سكر مهند الخط وتن*د بِ حيره وطلع من مستشفي? ________________________ نزلت رنيم من الحافله وصبت عند باب الجامعه ورن فونها رنيم : الو حبيبي ربيع : وينك رنيم : توا نزلت من الحافله وانت وينك ربيع : فوتي الجامعه وتعالى عند ال... تلقيني رنيم بِ خوف: عليش حبيبي ربيع بِ زعل: هيا تعالى راه نزعل مش واثقه فيا شكلك رنيم بِ خوف : لا واثقه هي جايتك سكرت الخط ومشت للمكان الى قال عليه ربيع ولقاته مصبي صبت جنبه رنيم بِ حب: شن دير هنا ربيع بِ صوت هامس : معندش جو للمحاضرات وخاطري نتأمل ملامحك بِ هدوء رنيم بِ احراج: وين السياره ربيع بِ كذب: درت حادث وقاعده في الورشه خافت رنيم عليه وقعدت تشوف في جسمي هل مجروح وهكي ولالا ربيع بِ فرحه : خايفه عليا حبيتبتي رنيم ودموعها نزلو: كان منخفش عليك بِ نخاف على من ربيع : اسسس امسحي دموعك راه انتهور ونحضنك مافيا شئ يا هبله السياره هيا الى كلتها ابتسمت رنيم بِ حب ومسحت دموعها ربيع : هي تعالى معايا نقعمزو في الكفي رنيم ؛ نمشى جنبك ربيع بِ نص نظره: شن رايك تبيني انشيلك? رنيم : هههههه بارد قعدو يمشو لين خشو للكفي وقعمزو مقابلين بعضهم وقعدو يهدرزو? _________?روايات منى المجبري?__________ خشت رواسي للحصه وكانت مش مركزه نهائيا المس: رواسي رواسي رواسي ودوبا فطنت: نعم المس: شن كنت نقول توا رواسي: اسفه مكنتش مركزه المس: مش اول مره راه تفضلى اطلعي برا ناضت رواسي من درجها وطلعت وهيا تسمع في تنمر البنات عليها وعلى شكلها شافت لِ لمياء لقتها تشوفلها بِ نظره شفقه نزلن دموعها وسكرت الباب وصبت بِ جنبه ? صوت: كنك تبكي رفعت رواسي على الصوت الرجولى الى وصل لِ قلبها ودموعها على خدها نزلات رواسي بِ صوت باكي: محمد محمد بِ حب: عيون محمد وقلبه وروحه وعمره قوليلي من شن تبكي من منزل دموعك يتبع..... بقلم :منى المجبري عارفتها قصيره لكن اليوم محوتك كتبت معندش وقت واسفه? بق لوف?

Free reading for new users

Scan code to download app

App Store Google Play

Facebookexpand_more