Buong magdamag na naman akong hindi pinatulog ng ginawa ni Kuya Red. Bawat pikit ko, nararamdaman ko pa rin ang marahas pero mapang-angkin niyang halik doon sa kusina. Kung paano niya idiniin ang katawan ko sa counter table at kung paano niya ibinulong sa mukha ko na ako lang ang special sa kaniya pagkatapos umalis ni Lavender.
Gago talaga siya. Binubulabog niya ang sistema ko tapos kinaumagahan, he acts as if he didn't just wreck my sanity.
"Sage! Dito, nagtabi ako ng seat para sa 'yo!"
Ikinaway ni Leon ang kamay niya mula sa gitnang row ng lecture hall. Mabilis akong naglakad bitbit ang backpack ko at naupo sa bakanteng silya sa tabi niya. Napabuntong hininga ako at dumukdok sa armchair ko, alam kong kitang-kita sa mukha ko ang kakulangan sa tulog.
"O, anong nangyari sa ’yo? Wala ka
