"Halika ka na sa bahay at mag uusap tayong dalawa."
Bahagyang napapitlag si Oliver dahil sa ginawa niya. Parang bata itong nag pout sa harap niya na pinandilatan niya naman ng mata para mapatigil ito. Hangga't maari ay ayaw niyang makita ni Winsley ang pag-iinarte nito kaya sinimulan niya na itong hilahin palabas ng mansion.
"Please Kate, don't be too harsh on him." Kumaway pa si Winsley sa kanila habang hinahatid sila nito ng tingin. Para itong tuwang-tuwa sa nangyayari na talaga namang ikinapa-panibago niya.
Ano ba ang nainom nito at tila yata naalis ang pait sa katawan nito?
Pagdating nila sa nakaparadang kotse ni Oliver ay agad niyang inutusan na pumasok roon ang baklang tila hiyang-hiya sa sarili at hindi makatitig ng matagal sa kaniya. Dahil sa itsura nito ay siya na ang naupo
