"Sigurado ka na ba, Manzana?"
Humigpit ang hawak ni Apple sa handle ng kaniyang maleta. Nasa lounge area sila kung saan naghihintay ang mga kapwa niya pasaherong sasakay sa first class for international flights.
"Ito lang ang tanging paraan, Joaquin. Ilalayo ko ang sarili ko sa mga mahal ko. Ililigaw ko si Aaron. Basta, sundin mo lang ang napag-usapan natin. Kailangang maniwala siya na ako ang pumatay sa tiyuhin niya. Maghihintay ako sa kaniya sa Mexico. Doon kami magtutuos. Alam mong hindi siya titigil hangga't hindi niya tayo nauubos. Kailangan ko siyang harapin! Kailangan ko siyang tapusin!"
"Ipapahamak mo na naman ang batang dinadala mo!"
"Wala tayong magagawa. Kailangan ng isang buhay upang maisakripisyo para sa kaligtasan ng karamihan."
Napailing si Joaquin. Manhid na nga yata
