CHAPTER 32: ANGER
Rhys's POV
Isang mabangong amoy ang gumising sa akin. Pagmulat ng mata ko, may nakahain nang pagkain sa harapan ko. Simula na naman ng isang napaka gandang araw!
Nakaupo sa tapat nito si Zion, sa ibang direksyon siya nakatanaw na para bang may sinisilip. Bigla akong nailang, nakaharap ako sa kanya nang magising ako kaya malamang habang tulog ako ay ganito na ang posisyon ko. Nakakahiyang isipin na tinititigan niya 'ko habang tulog. Buti na lang pagmulat ko sa iba na siya nakatingin.
Agad akong bumangon at inalis ko na lang sa isip ko ang bagay na 'yon, maaga pa at ayoko na ang unang bubungad sa akin ay stress.
"Kanina ka pa gising?" basag ko sa katahimikan.
"Ah, gising ka na pala!"
Bahagyang kumunot ang noo ko dahil pilit siyang nakangiti sa akin. Anong meron?
"Sa
