CHAPTER 37: DILEMMA
Rhys's POV
"Ngayong maayos na ang lahat at wala nang samaan ng loob, pumunta na tayo sa dapat nating pag-usapan."
Nakaharap silang tatlo sa akin. Bigla akong nakaramdam ng hiya, bakit ko ba naisip ang ganitong pagpupulong? Hindi naman ako marunong humarap sa tao.
"Tungkol ba 'yan sa misyon natin, Haie?" ani Zion.
Tumingin ako sa kanya, nakangiti siya sa akin na para bang sinasabi niya na, 'Nandito lang ako para suportahan ka,' kaya agad akong ngumiti pabalik sa kanya para magpasalamat dahil d'on.
"Kagaya ng alam n'yo... kinuha ko kayong dalawa para makasama namin ni Zion na hanapin at iligtas ang Reha at Quina ng ating bansa. Sa ngayon, wala pa kaming kahit na isang hakbang na nagagawa dahil hindi ganoon kadali maghanap ng impormasyon tungkol sa kaaway lalo na ng
