CHAPTER 122:
“Huwag mong sabihin na gumawa ng script?” biro ni Carlo.
Sumama ang tingin ni Shaika sa kanya dahilan para mapaiwas siya ng tingin. Hindi matanggap ng dalaga na ginawa niyang biro ang tungkol sa bagay na iyon dahil ang totoo ay naisip din niyang sabihin iyon, naunahan lang siya ni Carlo. Ngunit mabuti na rin na sa kanya manggaling para hindi masamang pakinggan.
“Hindi naman siguro masamang mag-ingat din tayo sa mga sasabihin natin, hindi ba? Magkakampi tayo, pero hindi rin tama na lahat ng sikreto natin ay malaman niya.” Tumingin muna si Owen kay Dave. “Pare, pasensya na, pero kailangan sa pagkakataong ito ay—”
“Naiintindihan ko pare, hindi rin naman natin alam ang maaring sunod na mangyari kaya importante rin ang mag-ingat,” sagot ni Dave.
Ngumiti si Owen sa kanya. “Sala
