CHAPTER 109:
Hindi inasahan ni Shaika na matatapos nang maaga ang meeting. Pero mabuti na rin iyon dahil makakauwi na rin sila ni Zeldris, matatapos na ang kanyang sagutin sa binata bilang bodyguard at driver nito para ngayong araw. Ngunit sa paglabas ni Zeldris sa kwarto, laking pagtataka ni Shaika na makitang nakangiti ito—bagay na hindi niya gustong makita sa binata.
“Sa tingin ko hindi ko magugustuhan ang resulta ng meeting na ito,” bulong niya sa kanyang sarili.
Nang makita ni Shaika na magsilabas na ang lahat ng opisyal na kasama sa meeting ay mukha namang normal ang lahat, maliban nga kay Zeldris na halos abot langit ang ngiti. Habang ang kalaguyo naman ni Samantha na si Jason ay napansin niyang tila hindi nito nagustuhan ang naging resulta ng naganap na meeting dahil salubong an
