CHAPTER 93:
Nakasanayan na rin ni Carlo ang maupo nang tahimik sa isang sulok sa tuwing pupunta siya ng rooftop. Sinasadya niyang magpunta rito bago tuluyang lumubog ang araw para panoorin itong unti-unting bumababa habang unti-unti ay kinakain ng dilim ang langit. Sa tuwing ginagawa niya ito ay sandaling napapawi ang pag-aalala niya sa mga nangyayari sa kanyang paligid, kasama na sa mga bagay na sandaling nawawala ay ang kaba niya sa tuwing kaharap niya si Samantha de Castro.
Alam niya ang ugali ng babaeng iyon, maaring isa na itong gobernador ngayon at maaring tama si Shaika na malayo na ito sa dati niyang ugali noong nakilala siya ni Shaika. Ngunit alam niya na hindi mawawala rito ang kakayahan nitong kumilatis ng taong kaharap niya at ramdam niyang ginamit iyon ng dalaga sa kanya nit
