“Dona… kumain ka na muna.”
Inilapag ni Mia ang sopas na umuusok sa kanyang tabi. Mula kaninang umaga, nang maganap ang kaguluhan sa labas, ay hindi na sya lumabas pa ng bahay. Sarado ang buong bahay, maging ang kanyang mga bintana. Hinihintay nyang puntahan sya ni Sean, ngunit walang Sean na dumating. Lalong nanlumo si Dona.
“Anong nangyari sa labas?”
Bumuntong hininga si Mia. “Nagkagulo sa labas. Hinuli ng mga pulis si Makoy dahil sinapak nya si Monty. Umawat si Sean, pero sinapak din sya ni Makoy. Walang demolisyong naganap dahil pinahinto ni Sean.”
Lalong napaiyak si Dona sa pag-aalala kay Makoy. “Nasan na si Makoy?!”
“Wag kang mag‑alala, nakalaya rin sya kaagad. Nagsampa ng kaso si Monty, pero hinarang ni Sean. Okay na si Makoy. Nag-iinuman na sila don sa kanto kasa
