BHO Series #1: His Secret Agent Pretend Wife

CHAPTER 11

CHAPTER 11

Sinag ng araw ang gumising sa akin. Namulatan ko si Dale na mahimbing ang pagkakatulog. Parehas kaming walang saplot ang katawan. Magulo din ang bedsheet ng kama tanda ng mga nangyari kagabi.

Hindi na ako magtataka kung hindi maghihinala si Dale. Kung titignan ang ayos namin ngayon, walang duda kung anong ginawa namin ng nagdaang gabi. Kahit wala naman talaga.

May injectable pills akong dala na nakalagay sa secret compartment ng suitcase ko. Malay ko ba naman na kay Dale ko pala magagamit yon.

He kissed me last night in a way that I had never been kissed before. Yes, he touched me and I almost gave up. Almost, but I didn't. After last night I realized that I am stronger than I thought. I could give up everything at that moment.

Napapikit ako nang kumilos siya. May palatandaan na ako kapag nagigising na siya. He'll murmur something then he'll move.

"Baby."

His voice sounded husky. Bedroom voice. I felt him move to me. Hinila niya ang comforter na nakabalot sa aming dalawa. I composed myself.

Unti-unting nagmulat ang mga mata ko nang maramdaman ko ang mga labi niya sa batok ko, hanggang sa pababa ng pababa. He's tracing the faint outline of my spine. Naramdaman kong napahinto siya sa babang likod ko kung saan nandoon ang tattoo ko.

Lahat ng mga taga-BHO ay mayroong tattoo na katulad sa akin. A black heart with purple roses on the side.

"I'm awake, Honey."

Ngumiti siya sa akin at kinubabawan ako. Pinilit ko ang sarili kong hindi pansinin na pareho kaming walang saplot. He tugged me softly so I can lie on my back.

"Morning, baby."

Hinalikan niya ang mga labi ko. I could be used to waking up like this. No, Mishiella Greene, this is not permanent! Clear your mind girl. I pulled away from Dale. Bumadha ang pagtataka sa mukha niya pero nginitian ko lang siya.

"I'm a little sore, honey."

Ngumiti siya at tumango. "I'll wait, it's worth it." bahagyang kumunot ang noo niya pagkasabi niya noon. Alam kong inaalala niya pa ang ibang nangyari.

Tumayo na ako at hinila ko ang bedsheet para matakpan ang katawan ko. Hindi siya nagtanong about blood. Virgin's blood. Hindi narin naman siguro bago kay Dale ang tungkol sa mga babaeng aksidenteng nasisira ang mga hymen nila which causes the blood. Kahit sa simpleng pagbibisikleta lang ay maaaring mawala iyon.

"I'll take a shower." sabi ko sa kaniya.

"Okay, baby. Matutulog muna ako ulit."

After effect iyon ng ininject ko sa kaniya. Kung matutulog siya ulit ang ibig sabihin lang non ay maaari ko na ulit gawin ang trabaho ko.

"Dale?"

"Yes, baby?"

"Nasaan si Draco?"

"Umalis siya kahapon." mahinang sagot niya at pumikit na ulit ang mga mata.

That's great, mas madali akong makakapatrabaho ngayon. Dumiretso ako sa shower at nang matapos ako ay tumuloy na ako sa library. Kinuha ko ang journal kung saan ko iyon tinago at umupo ako ulit sa swivel chair ni Dale.

Ang sabi sa akin ng kasambahay na napagtanungan ko, nasa attic daw ang mga natitira pang mga gamit ni Marga. May kung ano na nagsasabi sa akin na wag muna akong tumigil sa paghahanap dito.

Tumayo ako at nagsimulang maghanap-hanap sa mga libro. Sa dami ng libro dito baka abutin ako ng dalawang araw pero hindi ko parin matatapos ang mga ito.

Nang mapagod ako ay bumalik na ako sa pagkakaupo sa swivel chair. Nakatingin lang ako sa malinis niyang desk. Naaalala ko pa ang desk ni Boss sa headquarters. Puno iyon ng iba't-ibang folder at documents. Ganon din naman ang desk ni Dale kaso mas organisado siya.

Binuksan ko ang mga drawers at napasimangot ako ng may makita akong mga 'Playboy' Magazines. May mga paper weights na luma na inayos mula sa malaki paliit. Parang may Obssesive Compulsive Personality Disorder si Dale. Pati mga ballpens niya maayos ang pagkakalagay at pantay-pantay.

Nakatitig lang ako sa mga drawers niya ng may mapansin ako. Weird. Bakit may mga ballpen na pangbata dito? Siguro may sentimental value ang mga ito kay Dale, out of place lang dahil mukhang mamahalin ang mga gamit dito at nakakapagtakang dito niya pa nilagay ang mga pambatang ballpen na ito na may design ng Alphabet.

"Weird guy."

Isasarado ko na sana ang drawer nang may mapansin ako sa mga pambatang ballpen. Hindi pantay-pantay ang pagkakaayos non at napasinghap ako nang makita ko kung ano ang mga letters na visible. M-A-R-G-A.

Hindi makapaniwalang napailing ako at napasandal ulit sa swivel chair na kinauupuan ko. Hindi ko alam kung ilang detective movies ang napanood ni Dale at kung ano-anong ginagawa niya.

Iniangat ko ang isang ballpen at tinignan. My instinct told me to open it, so I did. Nakangiting itinaktak ko yon at mas lalong lumawak ang ngiti ko nang mahulog doon ang maliit na rolyo ng papel. Binuksan ko lahat ng mga ballpen at kinuha ko ang mga papel don. It's a piece of paper from his journal na pinaghati-hati niya. Binuo ko yon at binasa.

***December 5, 2007

Alam kong naghihinala na si Marga na may alam ako sa kanilang dalawa ng lalaking iyon. They're planning to take my money which is impossible because I don't have plans on marrying her. I don't have plans on getting married, period.

Matindi ang naging pag-aaway namin kahapon at nasabi ko sa kaniya ang tungkol sa kanila ng lalaki niya. I told her how I despise the lying gold digger she is but not one word about that B.E.N.D. came out of my lips. I kicked her out of my house. I should be fine by now dahil wala na siyang magagawa.

Pero pakiramdam ko ay may gagawin siya na hindi ko magugustuhan. So I'm hiding everything from her because I know she will be looking for it. This might be harsh pero kilala ko si Marga and with that mind she has, even if I lay everything in front of her she wouldn't even see it. But to be sure...I need to do this.

Mystery: Red

Don't give yourself a hemorrhage. Don't look for things in other places when you can see it straight ahead.***

Kinilabutan ako. Pakiramdam ko nakikita ko si Dale habang tinatago niya ang mga ebidensiya niya. Kahit na pinahihirapan niya ako ngayon hindi ko parin maiwasang humanga sa kaniya. Tama siya, Marga will be looking for his journal kaya niya itinago iyon. Alam niyang kapag nalaman ni Marga na alam niya ang tungkol sa B.E.N.D. ay mapapahamak siya.

Napailing ako. May nakalimutan si Dale. Alam man ni Marga o hindi, gagawa parin siya ng paraan para mawala sa mundo si Dale. First because Marga is for sure pissed off  at him for not giving her what she wanted. Second, aminin man natin o hindi, Dale treated Marga like a piece of trash. Hurting him is like throwing tantrums for Marga.

Ang kailangan ko na lang alamin ay kung alin doon ang naging dahilan ni Marga. Is it because of the money or it's because of B.E.N.D.?

Nilagay ko sa bulsa ko ang mga papel na iyon at ibinalik ko sa pagkakaayos ang mga ballpen. Nagpalinga-linga ako. Tumingin ako sa kaliwa ko at tinignan ang mga libro doon. Mathematics, Geography, Filipino, Science fiction-

Napatigil ako. "Don't look for things in other places when you can see it straight ahead." Mabilis na tumingin ako sa harapan ko. Straight ahead.

It's a column of mystery books. Napangiti ako at muling tumayo. Lumapit ako roon at kinuha ko ang nag-iisang pulang libro doon na katapat lang mismo ng swivel chair ni Dale. Chain of Events. Binuklat ko yon at nakakita na naman ako ng isa pang papel.

***December 10, 2007

If someone's reading this then something has happened to me. Dahil kung wala, ako na mismo ang mag-aalis ng mga ito dito.

Three times. I almost got killed three times today.

Bago ako umalis kaninang umaga ay pinacheck ko ang sasakyan ko at nalaman ko na wala iyong preno. Nang makarating ako sa office someone delivered food for me but I didn't eat it, instead I gave it to my assistant. He's in critical condition right now. Panghuli ay nang may tumamang bala sa opisina ko. Thankfully my office was bulletproof.

I know it's Marga dahil nang pinuntahan ko siya kanina ay may mga narinig ako sa pag-uusap nila ng lalaking iyon.

Whoever you are reading this, find it...save me.

VINTAGE: DUST***

Pinakawalan ko ang pinipigil kong hininga. This is bad. Binalik ko iyong libro at itinago ko sa bulsa ko ang papel na nakuha ko.

Dale is more involved with this than I thought.