BHO Series #1: His Secret Agent Pretend Wife

Chapter 8

CHAPTER 8

NAGISING ako nang maramdaman ko ang paghigpit ng mga brasong nakapalibot sakin.

Inaantok pa na napatingin ako sa clock na nasa bedside table. Ala-sais pa lang ng umaga. Sanay naman akong gumising ng maaga kaya lang, tatlong oras lang ang tulog ko.

I'm not used to sleeping with someone especially if that someone is a man. Idagdag pa na hindi kung sino lang ang katabi ko kung hindi si Dale na asawa ko 'kuno'. Ilang beses kong tinanggal ang mga braso niya sa katawan ko nang yumakap siya sa akin kagabi pero ibinabalik niya lang din yon kaya pinabayaan ko na lang siya.

My situation right now is frustrating and irritating and..exciting? No! Definitely not that. Just shut up brain.

Dahan-dahan kong inalis ang mga kamay ni Dale. Kinuha ko ang unan ko at inilagay sa tabi niya para may kayakap parin siya. Pumasok ako sa bathroom at nagsimulang maligo. I need to do some work anyway kaya mabuti nang nagising ako ng maaga. Alam kong makakakita ako dito ng impormasyon about kay Marga, after all, matagal rin naman silang nagkaron ng relasyon ni Dale. Kailangan ko lang kumilos agad hangga’t may pagkakataon ako.

Sabi kasi ni Mrs. Night nag-stay dito sa Marga nang mag live-in sila ni Dale. Ibig sabihin lang non may mga gamit pa siya dito. Hindi ko alam kung bakit pero parang kumukulo ang dugo ko kapag naiisip ko na ang kamang hinigaan ko kagabi ay ang kama rin na ginamit nila noon.

It doesn't mean anything. Contaminated lang kasi ang kamang yon kaya naiinis ako na doon ako kailangang humiga.

Tama, iyon nga ang dahilan.

I need to find any evidence against Marga dahil hindi din ako naniniwalang wala siyang kinalaman sa nangyari kay Dale. Kahit na ang plano ay paglayuin lang sila, part of my job is to find out the truth.

Nang matapos ako sa paliligo ay nagbihis na ako at pagkatapos ay lumabas na ng bathroom. Tulog na tulog parin si Dale. Kinuha ko ang cellphone ko at tahimik na lumabas ako ng kwarto. Habang naglalakad-lakad ay tinawagan ko si Kuya. He answered on the first ring.

"Hello, Mishy?"

"Hi, Kuya."

"How's the..amm..the.."

"What is it?"

"The honeymoon?" mahina ang pagkakasabi niya non kaya nag-isip pa ako kung ano ang sinasabi niya.

"Kuya!"

Naring kong napatawa siya sa kabilang linya. Alam ko namang alam niya na hindi ako papayag at basta-basta na lang susuko. Hindi ako titigil hanggat may alibi pa akong magagamit laban kay Dale. For now, I'm safe.

"Bakit ka nga pala napatawag?"

"I need to ask you something about Marga."

"Okay. I'm staying near her house by the way."

"Good. Pero nasaan ka ngayon, parang maingay?"

"HQ."

Napasimangot ako. Buti pa siya pwedeng umuwi sa BHO samantalang ako hindi ako basta-basta makakaalis. Unang-una hindi naman nagpapanggap si Kuya. Ako ang nasa mahirap na sitwasyon ngayon. I'm stuck in this place.

"So what do you want to know about her?" tanong niya sa akin. May pakiramdam ako na alam niya na in any moment magmamaktol na ako kapag hindi niya pa niligaw ang usapan.

"I just wanted to ask if naniniwala talaga kayong walang kinalaman si Marga sa bagong sindikato na itinatayo ng mga Smith. After all they're still her parents."

Saglit na tumahimik ang kabilang linya. Mukhang napaisip din si Kuya. Hinintay ko siyang sumagot.

"This is Poseidon, baby Mishy. You're on speaker."

"Okay. So, naniniwala ba talaga kayo?"

"Why? Do you believe na may alam siya?"

"Yes. Imposible naman na hindi niya alam. How about you, pano mo nasabi na wala siyang alam sa mga ginagawa ng parents niya?"

I know this is like treading in deep water pero malakas ang kutob ko na may alam si Marga. Call it instinct.

"Hindi siya miyembro ng grupo at wala din siyang ginagawa na kahinahinala na maaring maging daan para masabi nating miyembro nga siya o may alam siya."

"That can be true pero hindi ibig sabihin non wala siyang alam. A family can't keep a secret for too long."

Natahimik na naman sa kabilang linya. Tama naman ako diba? Kung nasa iisang bubong kayo at araw-araw mong nakakasama ang mga tao doon imposible na hindi mo mahalata kapag may kakaiba sa ikinikilos nila.

"Just admit it, guys, I do have a point."

Narinig kong natawa sila sa sinabi ko. Parang hindi na sila nasanay sakin. Once na magkaron ako ng bakanteng oras mas lalo kong naiisip ang mga bagay-bagay tungkol sa isang mission. Katulad kagabi ng hindi ako kaagad makatulog dahil kay Dale.

"Maaaring totoo nga ang hunch mo." sabi ni Kuya Ethan.

"Oh, come on. Kailan pa ba ako nagkamali?"

"Right. Ako nang bahala sa pagmamanman kay Marga. I'll call you once may malaman ako na bago tungkol sa kaniya."

"Got it, just keep doing whatever you're doing and I'll continue being a boring housewife."

Napuno ng tawanan ang kabilang linya. I rolled my eyes at ibinababa ko na ang phone ko. I need to start searching dahil baka magising na si Dale. Mahihirapan akong maghanap kung lagi siyang nakasunod sa akin.

Tumuloy ako sa library. My hunch tells me na may alam si Dale bago pa siya magkaroon ng amnesia. What can be Marga's reason to do such drastic move, right? Hindi naman siya kikilos agad ng ganoon kung walang nalaman si Dale o napansin.

I need to search for papers, documents or even a diary if he has one. Kahit ano na makakapagpatunay na may alam nga siya.

Marga is a gold digger and maybe Dale got tired of her kaya siya nakipaghiwalay. But who knows kung bago nangyari ang aksidente ay may nalaman siya? Whatever it is, I need to find that out.

Yes, Marga is rich, check. A spoiled brat, check. Her parents favorite? Nope. Ang kapatid niya na si Emily ang paborito ng mag-asawang Smith. Ayon sa source, Emily is as spoiled as Marga is. The only difference is that, Marga needs to be a gold digger to get what she wants.

Target? Super easy to get playboy, Dale Edwin Night. Kalalaki kasing tao, ang landi. Meron pang Charles si Marga na kasabwat, poor Dale.

Nagsimula akong maghanap ng mga information. Mabilis ang mga kilos ko at ganon din ang mga mata ko. Ibinabalik ko din kung paano ko kinuha ang mga dinadampot ko. I was trained that way. Kahit na halughugin ko pa ang buong lugar na ito, walang makakahalata na may nagalaw na kahit ano.

Napatigil ako nang may nadampot ako sa may desk niya. Tinignan ko yon at napapalatak ako nang makita kong journal yon. Seriously? May mga designs pa na parang pangbabae. Sinimulan kong buklatin iyon at napailing ako. May ibang parts na may mga entry, may iba naman na parang ginawa lang scratch paper, meron ding page na iba ang mga salitang nakasulat. Weird. But I need this anyway.

Hinila ko ang maliit na envelope na nakaipit roon. Napatigil ako nang makita ko ang loob non at mabasa kung ano ang mga nakalagay. Information about Marga Smith.

May alam nga siya.

Ano pa bang maaring maging dahilan para imbestigahan niya ang sarili niyang kasintahan?

Kapareho ng mga nakuha namin galing sa source yung ibang nakasulat dito. May mga larawan pa kung saan kasama ni Marga si Charles. Ibig sabihin lang non ay naghihinala narin siya kaya siguro naghire sya ng isang private investigator para mag-imbestiga.

Napaangat ang ulo ko mula sa journal nang may marinig akong mga yabag. He's awake and with my skills I know the difference between a man’s footsteps and that of a woman’s.

Mabilis na inayos ko ang nakakalat na mga papel dahil sa paghahalungkat ko kanina. Itinago ko ang envelope at journal sa ilalim ng shelf na nakita kong may maliit na awang kanina. Hindi muna maaaring makita ni Dale ang mga iyon dahil baka magtrigger pa yon ng pagbalik ng ala-ala niya.

Not now. Hindi pa ngayon ang tamang oras para doon.

Tumakbo ako papunta sa sofa na nandito sa library pagkatapos kong humablot ng isang libro. Inayos ko ang ekspresyon ng mukha ko na animo interesadong-interesado sa binabasa ko.

"Baby, nandito ka lang pala."

"Good morning, h-honey."

Nakangiting nakatingin siya sakin. Nakita kong bumaba ang paningin niya sa libro na hawak ko at mas lalong lumawak ang ngiti niya. Mahinang tumawa siya.

"I think it's too early for that and you still have your period."

Nagtatakang tinignan ko siya. Ano daw? Sinundan ko ang tingin niya at niyuko ko din ang libro na props ko sa pagpapanggap na wala akong ibang ginagawa dito sa library. Napasinghap ako nang makita ko kung ano iyon.

Art of Kama Sutra.