The President’s Princess
Phenomenal Romance Novel by: Joemar Ancheta
CHAPTER 48
"Si Bobby, boyfriend ko." Napalunok siya. "Gusto niyang malaman kung anong oras tayo darating sa Cubao dahil susunduin niya ako." seryoso niyang sinabi iyon. Nakatitig siya sa mga mata ni Justine. Gusto niyang mabasa doon kung ano ang magiging reaksiyon nito.
"May boyfriend ka pang iba bukod sa boyfriend mong tumawag noong umalis tayo papuntang baryo?" puno ng pagtatakang tanong ni Justine.
“Yung nandito, eme lang. At alam niyon na eme lang talaga kami. Yang kausap mo, siya talaga ang boyfriend ko.”
“Talaga? Bakit parang hindi mo sa akin sinabi ang tungkol sa kanya?” Pabulong iyon.
“Bakit, anong karapatan mong alamin ang bagay na iyon e, bodyguard lang naman kita, hindi ba?” Paanas din iyon. “Walang t
