CHAPTER 47
Nang nakalayo na ang bus na sinasakyan nila at alam niyang hindi na din maririnig o makikita ni Janna dahil natatanaw niyang nakasandal na ito sa balikat ni Ralph ay nagsimula na siyang magparamdam sa kanina pa mukhang malayo ang iniisip na si Justine. Iniayos niya ang malaking tuwalya na ibinigay sa kaniya ni Justine para daw panlaban sa ginaw ng aircon. Doon sa loob ng tuwalya ay kumilos ang kaniyang palad para hawakan ang palad ni Justine ngunit inilayo nito ang kaniyang palad. Mukhang pinaninindigan na ni Justine. PInaparamdam na nito na si Janna na nga yata ang nagwagi sa kanyang puso.
"Ano ba?" walang tinig na lumabas sa bibig ni Justine ngunit ang iyon ang basa niya sa pagbuka ng bibig nito. May kalakip iyong masamang tingin.
Inilapit niya ang ulo niya sa ulo ni Justin
