Matapos kumain ng pananghalian ay nanatili pa roon ang mga bisita nila ni Mory. Ang iba ay nagswimming, ang iba ay nag-ikot-ikot lang sa mansiyon at inenjoy ang pagmamasid sa marangyang kabahayan ni Mory.
“Ma, Pa, dito na po kayo matulog mamayang gabi.” puno ng kasiyahang sabi ni Mory sa mga magulang niya.
“Siya, sige.” Nakangiti namang pagpayag ng Papa niya.
Hindi niya akalaing mangyayari ang pangyayaring iyon sa buhay niya.
Lihim niyang minahal si Mory, nagpaubaya siya at nagparaya. Maraming beses siyang nagtiis at ininda ang sakit na nararamdaman niya.
Pero heto’t hindi naman pala talaga galit sa kanya ang tadhana.
Siya naman pala talaga ang kapalaran ni Mory simula pa lang.
Nang hapon na, habang nagmemeryenda ang lahat sa malawak na hardin ni Mory ay bigla namang dumating ang mg
