------
***Arabella's POV***
-
"Arabella, hija, alam kong medyo may pagkukulang at pagkakamali ang anak namin, si Andrew. Pero sana, kung ano man ang hindi ninyo napagkasunduan, pag-usapan ninyo ito nang maayos," ani Tito Gomer, ang ama ni Andrew. Katabi niya ang kanyang asawa, si Tita Miriam. Magkatabi naman kaming dalawa ni Andrew, at kasama rin namin sa hapunang ito sina Tito Salve at Tita Andrea.
"Hija, kung ano man ang pagkakamaling nagawa sa'yo ng anak namin, sinabi niya sa amin na lubos niya itong pinagsisisihan," dugtong naman ni Tita Miriam, may pag- alala sa kanyang tinig.
Napakuyom ako ng kamao sa ilalim ng mesa. Hindi ako makapaniwala na pati ang mga magulang ni Andrew ay nadamay na rin sa panggugulo niya sa akin. Nilinaw ko na sa kanya ang estado naming dalawa. Buong akal
